acto politico, martes día 18 de outubro ás 8 da tarde no Centro Socio-Cultural de Monterroso

Útil para Galiza, útil para a túa comarca

En realidade, a utilidade do BNG é tripla. Útil para Galiza como país, útil para as maiorías sociais e útil para a nosa comarca. Non estamos a falar por falar; o balanzo do traballo feito polos parlamentares do BNG no Congreso e no Senado é tanxíbel e os resultados están aí. Sen o BNG as demandas da nosa coamrca nin tan sequera terían chegado ao Parlamento do Estado. Grazas ao BNG, non só chegaron, senón que en non poucas ocasións foron xestións dos parlamentarios nacionalistas as que serviron para arrincar compromisos e partidas orzamentarias concretas ao Goberno español. É evidente que canta máis forza e máis presenza teña o Bloque Nacionalista Galego en Madrid maior capacidade teremos como sociedade de estar ben defendidos e maior capacidade teremos tamén de obter o que en dereito nos corresponde: un maior investimento público que resulte na creación de emprego e na reactivación da economía, mellores infraestruturas, apoio aos nosos sectorres produtivos...

O 20-N, por tanto, á hora de respaldarmos unha opción política, é ben que pensemos non só en Galiza e nos intereses da súa xente traballadora, é ben que pensemos tamén nos intereses da nosa comarca. Se así o facemos, está claro que apoiaremos as candidaturas do BNG.

Os logros dun traballo feito ao servizo da xente

 

Na comarca da Ulloa sabemos ben da utilidade dos parlementarios do BNG.

Grazas ao deputado Francisco Jorquera e as súas xestións en Madrid, a nosa comarca puido beneficiarse das seguintes actuacións do Goberno do Estado, actuacións que non se terían levado a cabo de non ter sido negociadas polo BNG.

* Iniciativa parlamentaria sobre os problemas derivados das obras da autovía A54 en Palas de Rei, para habilitar o acceso ás parroquias de Mosteiro, Carteire, Barbetouros, Ribeira e Cubelo así como do enlace directo coa A54 e o concello de Antas de Ulla.

* Interpelación sobre o destino dos 400.000 € do proxecto INTERREG III de Antas de Ulla.

* Multiples proposicións de Lei e non de Lei, comparecencias e interpelacións sobre o sector agrario (reparto cotas, variación PAC ), infraestruturas viarias, tarifas eléctricas, mellora das prestacións aos autónomos, en contra de máis encoros nos nosos ríos, cancelación das hipotecas coa entrega do piso, reforma das pensións, etc, todas elas relacionados co benestar xeral e da nosa comarca.

* Moción no Senado demandando a reducción do índice de rendemento neto aplicable á actividade leiteira e cárnica na declaración da renda, por mor do aumento dos prezos do petróleo, fertilizantes, cereiais, etc.

Intevirán:

MARCELINO VÁZQUEZ

Portavoz Municipal do BNG

MARÍA XOSÉ VEGA

Candidata nº 1 ao Congreso

GUILLERME VÁZQUEZ

Portavoz Nacional do BNG

Martes día 18 de outubro

Ás 8 da tarde

Centro Socio-Cultural

MONTERROSO

Máis de 1.500 persoas enchen o Auditorio e lanzan ao BNG como a alternativa galega e de esquerdas para o 20-N

O público ateigou o Auditorio de Galiza
Santiago de Compostela, 15 Outubro 11.- O portavoz nacional do BNG, Guillerme Vázquez, pechou hoxe a Convención Electoral Nacional –á que acudiron máis de 1.500 persoas que ateigaron o Auditorio de Galiza- afirmando que “a solución non é ir máis á dereita. A solución está na alternativa galega e de esquerdas que é o BNG”.

O líder nacionalista perguntou aos asistentes “acaso non sabemos o que fixo Rubalcaba aínda que intente agora xirar cara á esquerda e tamén sabemos o que faría Rajoy, seguirá recortando, saqueando ao pobo e engordando aos especuladores”.
Neste sentido, o portavoz nacional animou ao auditorio a que miren o que está sucedendo en Portugal para saber o que pasaría no Estado español se gobernase o PP e aludiu ao presidente da Xunta cando afirmou “o que fixemos en Galiza é o que vai facer Rajoy en España”
.

A equipa de Galiza
Por iso, Guillerme instou a “fuxir coma do lume do R de Rajoy, Rubalcaba, de recortes e de recapitalización e pensade no G de Galiza e do BNG, a única alternativa posíbel, necesaria e útil para Galiza e para que exista en Madrid e teña tanta forza como vascos e cataláns”.“Mentres outros están contratados por especuladores e pola banca, o contrato do BNG é con Galiza e coa súa maioría social. O país que amamos e no que queremos vivir”, continuou.
“PP e PSOE pretenden seguir cebando coma porcos aos especuladores”, tal e como advertiu Guillerme, “co BNG, que non conten”.
video da intervencion de Guillerme      Ao cadalso da man dos nosos verdugos
“Pretenden que vaiamos cara ao cadalso da man dos nosos verdugos”, advertiu Guillerme, ao tempo que afirmou que non será así, como o demostran milleiros de “profesores, profesoras, nais, pais, estudantes manifestándose polo ensino público, ou as traballadoras e os traballadores que defenden os medios de titularidade pública de Galiza”, dixo en alusión á folga convocada na CRTVG.

“Tamén os milleiros de persoas que pediron unha sanidade pública, aínda que xa sabemos que moitos non a necesitan, como su majestad El-Rei, que para operar o talón foi a unha clínica privada”, afirmou Guillerme.

O líder nacionalista abriu a Convención afirmando que os candidatos e candidatas do BNG “son os únicos cen por cen galegos, made in Galiza e por iso temos a garantía de que van ir traballar por este país coa mesma dignidade que o fixeron Olaia, Jorquera e Pérez Bouza”.
Francisco Jorquera
Pola súa parte, o número un pola Coruña, Francisco Jorquera, debullou as principais propostas do BNG en materia económica como saída social á crise, salientando a defensa doutra política fiscal que persiga a fraude e faga recaer maior presión sobre as rendas máis altas, “hai que rematar coa vergoña de Botín, a quen PPPSOE lle rinden pleitesía mentres defrauda a Facenda con contas millonarias en Suiza”. Asemade, apostou pola redución de gasto superfluo como o gasto militar e reiterou a necesidade dunha banca pública, asegurando que “aínda estamos a tempo da salvar o aforro galego do espolio. O BNG é a alternativa, é quen ten e propón iniciativas ao servizo das maiorías non dos mercados nin dos especuladores”.
Olaia Fernández Davila
Pola súa parte, a número un por Pontevedra, Olaia Fernández Davila, presentou o BNG como garante das políticas sociais fronte aos recortes e puxo como exemplo deste compromiso e do traballo feito neste sentido, a defensa da dación en pago das hipotecas, que PPPSOE rexeitaron hai tan só uns meses no Congreso e preguntouse “se acaso Rubalcaba ministro era irmán xemelgo do Rubalcaba candidato”. Tanto sobre Rubalcaba como sobre o “mago Mariano” consideraron unha mala noticia a primeira vez que o BNG tivo representación en Madrid, explicou, “por iso é necesario movilizarse a prol do BNG o 20 N para volver a darlles unha mala noticia, que o que é malo para eles será unha grande nova para Galiza”
Xosé Manuel Pérez Bouza
O candidato número un do BNG ao Congreso dos deputados, Xosé Manuel Pérez Bouza, afirmou que as Deputacións provinciais deben ser suprimidas “por inoperantes” e servir de “niños políticos” a PP e PSOE.
Bouza insistiu enque o BNG é “unha alternativa útil” para unha nova política financeira, laboral e fiscal que e demais, “aporta outro deseño de Estado” pero para que isto sexa posible -dixo- é necesario que o BNG poda defender Galiza na política estatal.
María Xosé Vega
A número un do BNG por Lugo, María Xosé Vega reclamou“unha reforma electoral que elimine a circunscrición provincial e a desaparición dos umbrais mínimos para acceder ao reparto de representación así como os avais para presentar candidaturas”. A candidata, principio a súa intervención, nun ateigado Auditorio de Galiza, lembrando que a esa mesma hora, “milleiros de persoas en todo o mundo estaban a reclamar os dereitos da cidadanía fronte ás decisións dos mercados financeiros”.
Laura Arjonilla
“Queremos construír unha Galiza xusta e soberana e isto que nos venden non é democracia”.
Mar Pérez Fra
“PP e PSOE comparten a mesma política económica, ao servizo dos mercados. Nacionalismo é sinónimo de democracia real”.
Jessica Fernández Polo
“A única dona do BNG é Galiza e por iso facemos aquí o mesmo ca en Madrid”.
Susana García
“Queren decidir sen contar con nós, pero somos unha nación”.
Ramón González
“Somos nacionalistas e de esquerdas. Queremos vivir do noso traballo, non subvencionados”.
Sandra González
“Non agardemos a que ninguén nos salve. Salvémonos nós, os galegos e as galegas que exercemos como tais”.
Iria Aboi
“PP e PSOE reformaron a Constitución para entregarnos aos mercados e acordan o espolio do noso aforro. Queren máis. Non grazas. Temos que paralos”.
Rosana Pérez
“PP e PSOE arricáronnos un a un os dereitos sociais conquistados durante sécalos para poñelos ao servizo dos causantes da crise”.

Guillerme denuncia que o cambio do PP xa se ensaiou en Galiza e o resultado é "máis paro e inflación" que no Estado

O portavoz nacional afirmou en Pontevedra que “a solución non é ir máis á dereita, a solución está na Alternativa Útil que representa o BNG”

Pontevedra, 11 Outubro 11.- O portavoz nacional do BNG acudiu hoxe a Pontevedra onde participou na presentación dos candidatos e candidatas do BNG nesta provincia. Alí afirmou que “a única vía para sair desta situación de crise é a esperanza, arrimar o ombreiro e poñerse a traballar para cambiar o estado das cousas, empezar a facer política ao servizo das persoas”.

Por iso insistiu en que a única alternativa útil é o BNG “somos a equipa da casa, a única alternativa ás políticas de PP e PSOE” e, neste sentido, afirmou que “sabemos o que fixo Rubalcaba e o que vai facer Rajoy” e referiuse ás declaracións de Núñez Feijóo “no cónclave de Málaga onde nos informaba de que o que vai facer Mariano Rajoy se chega gobernar é o que el fixo na Galiza. A consecuencia desa política é emigración, recortes, aumento do paro, despoboamento, liquidación dun país”
.
Guillerme lembrou que Galiza é o país que lidera o paro e a inflación, cos salarios e pensións máis baixas. “O cambio que promete o PP para o Estado xa se ensaiou en Galiza e xa coñecemos os resultados. Por iso o BNG afirma que Rajoy non é o cambio, en calquer caso, será o recambio. Será o gato negro no país dos ratos”.

“A diferenza dos que teñen selado un compromiso cos amos das finanzas, cos especuladores”, continuou, “o noso contrato é exclusivamente con Galiza”.

Polo que convidou á xente a reflexionar “a actuar con intelixencia e pensar o que lle convén de verdade porque a solución dos problemas dos galegos non virá das políticas da dereita”, explicou, “o intelixente, o útil para cambiar as cousas é o BNG”, polo que contrapuxo o “R” dos “recortes, de Rubalcaba e Rajoy” ao “G” de “Galiza e o BNG”.

NOVACAIXAGALICIA
Guillerme referiuse tamén á “liquidación” das caixas galegas e o escándalo polas indemnizacións dos directivos prexubilados explicando que “non se pode zanxar este asunto con Feijóo dicindo que el non sabía nada, nin con Rubalcaba afirmando que eles nada teñen que ver e cos xestores xubilados forrados, os que siguen tamén forrados e os que viñeron a liquidar o que queda da caixa, tamén con contratos multimillonarios”.

“Non se pode liquidar entre o oscurantismo a non responsabilidade política e un escándalo social”, continuou, polo que a única vía é “a comisión de investigación que solicita o BNG” e emprazou a Núñez Feijóo que a acepte e explique “que teme, que ten que tapar”.

OLAIA FERNÁNDEZ DAVILA

A número un da candidatura por Pontevedra, Olaia Fernández Davila, destacou pola súa banda o labor desenvolvido polo BNG os últimos anos no Congreso e o que vai seguir levando adiante despois destas eleccións, “en defensa dos sectores produtivos, os únicos que poden garantir e impulsar a creación de emprego, para que non se recorten as políticas sociais”.


Intervención de Olaia Fernández Davila
O BNG ten, tal e como explicou a candidata, “dous obxectivos claros: traballar para ter políticas dirixidas á creación de emprego e que garantan o benestar das persoas”.

Fernández Davila apostou pola alternativa do BNG, “non se poden resolver os problemas de défice recortando políticas sociais, pola contra, téñense que incrementar os ingresos para apoiar o estado de benestar e a creación de emprego”.

Para conseguir este obxectivo o BNG defende unha reforma fiscal profunda, “que incremente a progresividade, que se redistribúa a riqueza de maneira máis xusta”.

A cabeza de lista por Pontevedra advertiu de que os candidatos e candidatas do BNG “somos os únicos que imos cumprir con aquilo que prometemos e así o demostramos no pasado”.

TRABALLO A FAVOR DE PONTEVEDRA
A candidata lembrou a colaboración desenvolvida nestes anos entre o goberno de Pontevedra e os deputados do BNG que fixo posíbel “que esta cidade conseguise investimentos en infraestruturas e en outros aspectos a través dun intenso traballo”.

O alcalde e candidato, Miguel Fernández Lores, destacou a relevancia destes comicios e lembrou que “son as eleccións máis importantes dos últimos tempos” e asegurou que “a única alternativa que hai para que Galiza e Pontevedra estean presentes é votar BNG. Que o BNG estea en Madrid é a única garantía de que se vaia incidir para que se cambie a política que se está levando adiante nos últimos anos”.

Arquivos para descargar

 Un momento da intervención de Guillerme