BLOQUE NACIONALISTA GALEGO DE PALAS DE REI
CIG analise da reforma laboral
Guillerme chama a que o 29-S sexa o inicio da "rebelión social" contra as políticas antisociais do PSOE e do PP
Guillerme saúda a unha veciña da cidade durante o reparto
O portavoz nacional do BNG realizou estas declaracións logo de participar no reparto do díptico O 29 de Setembro, MÓVETE e defende os teus dereitos, un acto informativo no que estivo acompañado polo alcalde, Miguel Fernández Lores, e diversos membros da corporación municipal e militantes do Bloque Nacionalista galego.
Un momento do reparto
SECTORES MÁIS VULNERÁBEIS
Guillerme reiterou o apoio do BNG á folga xeral e animou a sociedade galega a mobilizarse o vindeiro 29 de Setembro contra as medidas que están a “prexudicar gravemente” os sectores máis vulnerábeis como son “os mozos, os pensionistas ou as mulleres”.
Neste sentido, indicou que a única maneira de “frear esta involución social e económica” é mobilizarse porque non existe outra posibilidade para facer retroceder aos gobernos e as medidas que están a aplicar contra a maioría social- aseverou-.
Finalmente, o portavoz do BNG considerou que a folga xeral do 29 de setembro “non pode ser o punto de chegada senón que debe ser o de partida” dunha rebelión social para dicirlles aos gobernos que se están a equivocar e deben mudar.