ACTO PUBLICO DO BNG

O vindeiro luns dia 12 ás 8 da tarde no centro socio-cultural UXIO NOVONEYRA de Lugo, terá luga un acto público sobre a "posición politica do BNG en relación coa situación lingüistica da Galiza" Nel intervirán ANTON BAO Responsábel Comarcal do BNG de Lugo-centro e ANA PONTÓN Deputada no Parlamento Galego.

Aproveitamos a ocasión para demandar de todas e todos un esforzo diante do grave deterioro social que está a sufrir o noso idioma. Neste senso o BNG apoia a manifestación nacional convocada pola Mesa Pola Normalización Lingüistica "polo dereito a vivirmos en Galego" que terá lugar o 18 de Maio ás 12 dende a alameda de Compostela.

NOTA: Haberá autobuses gratuitos dende SARRIA(ás 9 e cuarto no cruce da cigüeñeira), LUGO(ás 10 diante de sindicatos na ronda da muralla), GUITIRIZ(ás 10 e media na área de servizo da autovía), ANTAS DE ULLA(ás 9 e 45 na praza), MONTERROSO(ás 10 na parada de autobuses na estrada de Palas, PALAS DE REI(ás 10 e cuarto no cruce da estrada de santiago), chamar para confirmar.

O BNG DE PALAS DE REI INFORMA

O BNG de Palas de Rei quere denunciar publicamente a actitude desprezábel que está a ter o Señor JOSÉ BLANCO cos veciños e veciñas de Palas de Rei.

Só acude a Palas cando hai eleccións e sempre coas mesmas promesas (Autovía, Cuartel da Garda Civil, unha morea de postos de traballo e mil promesas mais das que ainda non cumpriu ningunha)

Nun mitin celebrado polo PSOE en Lugo nas últimas eleccións o Señor PEPE BLANCO dixo "que en su pueblo de Palas de Rei gobernaba el PP por culpa de haberse presentado a las elecciones municipales un partido minoritario". Isto é unha demostración máis da falla de respaecto cara os votantes do BNG no Concello de Palas de Rei, e a falta de Democracia do Señor BLANCO.

Témoslle que lembrar que cando o BNG tiña tres Concelleiros e o PSOE un, nunca lle dixemos que non debían presentarse as eleccións. Tampouco dixo que o BNG foi o único que presentou propostas no Concello e que lle fixo sempre fronte ao PP mentres eles estaban de brazos cruzados (igual que agora).

Desde o BNG vémonos na obriga de aclarar esta situación ante os veciños e veciñas do noso Concello, porque os señores do PSOE eran coñecedores a través de enquisas que entre o BNG e o PSOE lle gañarían as eleccións ao PP pero o afán que existe en ELIMINAR ao BNG presionando a nosa xente, fixo que o BNG quedara fora do Concello e o PSOE lle sobraran 230 votos o que fixo que o PP conseguira de novo a maioría.

P.D. SEÑOR HORACIO ROUCO, ¿CANDO VAI COMENZAR A TRABALLAR POLO NOSO CONCELLO?