O BNG de Palas de Rei está decidido a rachar coa dinámica conformista dos dous partidos que ate agora tiñan representación no Concello. Agora que o PP e o PSOE adícanse a dar e prometer postos de traballo temporais os seus afíns, o BNG propón transparencia e obxetividade na contratación.
O BNG de Palas a pesares de non ter representación na Corporación nestes últimos catro anos, aposta polo compromiso cos nosos veciños e veciñas, Velaí a candidatura que encabezo, como alternativa necesaria a alcaldía de Palas de Rei, o BNG, ten ideas, compromiso, transparencia, e a capacidade de traballo necesaria para gobernar defendendo os intereses dos veciños e veciñas de Palas, o proxecto político que defendemos, está aberto a participación de toda a cidadanía, o noso gran reto é cambiar o rumbo da política municipal do concello, apostando por unha política que asuma as demandas e inquedanzas reais da xente, contando coa súa opinión e participación.
En Palas non podemos arriscarnos a seguir cun goberno e unha oposición que só miran para si mesmos, no noso concello ten que rematar xa a política de comodidade, do malgasto de fondos públicos, dos intereses propios e do amiguismo.
Cada día se nota mais a falta do BNG no Concello. Somos garantía de unha política achegada a todos os veciños e veciñas e que loita contra as discriminacións. O BNG é para Palas unha forza firme e valente, coas ideas claras para asumir as responsabilidades que os veciños decidan.
Xosé Xoán Seoane, Candidato do BNG a alcaldía de Palas de Rei.
